دلهام..! بقايا حلم في سطر.

يمر من ثقب إبرة الوقت
تاركاً وراءه ظلاً لا يشبهه.

طيف معجب بهذا

أجمع أصداء الراحلين في حقيبة الورق
وأسميها وطناً.

طيف معجب بهذا

يا كبر ذنب الحنين لا جا على غفلة
يبعثر طمأنينة الصدر
ويفتح شبابيك قفلها الصمت من سنين
كنك الغايب اللي ما رحل
وكني المنتظر اللي ماله رجا.

طيف معجب بهذا

بيني وبينك ليل طويل، وسكة أماني
وذكرى تمر البال وتسرق ملامحي
أشتاق لك شوق الغريب لداره
يوم الغربة تنهش ضلوعه
ولا لقى له مواني.

طيف معجب بهذا

أكابر وأقول إن البعد عادي
وأنا في داخلي طفل يبي يدك
تضيق فيني الوسيعة لا مر طيفك
كن صدري سجن، وأنت مفتاحه المفقود.

طيف معجب بهذا

يا مسهر عيوني بالخيال
ويا سارقٍ مني راحة البال
طيفك في سماي غيم
وبعدك في حشاي ضيم
أشتاق لك شوق الضامي للسراب
وأحن لك حنين المغترب لدقة الباب.

طيف معجب بهذا

بين الوصل والجفا ضاع في قلبي الوفا
وبين ليل السهر، وهم الكدر
صرت أدور لك عذر
جرحك بضميري سكن، وحبك لروحي وطن
لكن غيابك طال
وهد فيني الحيل وغير الحال.

طيف معجب بهذا